ԵՊՀ կենսաբանության ֆակուլտետի կենսաքիմիայի, մանրէաբանության և կենսատեխնոլոգիայի ամբիոնը մեծ ուժով և ոգևորությամբ իրականացնում է աշխատանքներ կենսատեխնոլոգիաների և կենսավառելիքի նորարարական կենտրոնում՝ համալրված “Կոնցեռն-Էներգոմաշ” ՓԲԸ-ի կողմից մատակարարված գերժամանակակից սարքավորումներով:
ԵՊՀ կենսաբանության ֆակուլտետի կենսաքիմիայի, մանրէաբանության և կենսատեխնոլոգիայի ամբիոնում՝ 27.02.18-ին իր դռներն է բացել Մանրէաբանական կենսատեխնոլոգիաների և կենսավառելիքի նորարարական կենտրոնը: Կենտրոնի բացման արարողությանը ներկա են եղել՝ ՀՀ կրթության և գիտության նախարարը, ԵՊՀ ռեկտորը, դասախոսական կազմն ու ապագա մասնագետները: Նորարարական կենտրոնը համալրված է “Կոնցեռն-Էներգոմաշ” ՓԲԸ- ի կողմից մատակարարված բարձրորակ սարքավորումներով: Այս եզակի սարքավորումները կրթական առումով մեծ դեր ունեն կենսաբանության ֆակուլտետում գիտահետազոտական աշխատանքների զարգացմանը և նորագույն մեթոդների կիրառմանը: Կենտրոնում համալրված սարքավորումներն ու տեխնիկան օգնում են պատրաստելու միջազգային չափանիշներին և աշխատաշուկայի պահանջներին համապատասխանող մրցունակ կադրեր՝ մանրէաբանության, կենսաքիմիայի և կենսատեխնոլոգիայի ոլորտներում։
Մեր գործընկերները